La storia-propaganda itajana

Sol 4 de Novenbre e 25 Aprìle se parla ncora pal primo de “Vittoria” e pa chealtro de “Liberazione”.

Ma deso serchemo co onestà de vardàr la verità dei fàti :

La verità storega so la prima goera mondiàl la xè ca a i Austriasi li ghéva sfondà e li xèra drìo dilagàr sol fronte itajàn, e ca Veneti, Sardi, Siculi…. a li xè stà masacrà da i carabinieri, parchè no li voleva conbàtar e farse copàr fa bèstie da ordini insulsi de jenerali itajàni. E l’altra verità so la goera xé, ca a i Austro-Ongarisi, li se xé ritirà e no ca a ghe xé stà la contro ofensiva………….Tuta propaganda itajàna e bàle sacrosante! I Austriasi li se xè ritirà par do raxòn :

a) Li se xé ritirà. Li gheva xà perdù la goera so chealtri fronti, e no li xèra cusì insulsi fa i itajàni, da fàr copàr i sòi par gninte.

b)Da la documentasiòn storega ca a xé drìo vegnèr fora, a pàr ca a i regnanti de Vièna, li ghèse asetà de pèrdar pa chistiòn de caràter relijòxo. Sa li ghese pardù, ghe xèra stà prometù la beatificasiòn e santificasiòn. Ca a lo credì o nò, ghe xé de mèxo la céxa. E sta chì la xè la novità stòrega de on libro fèsto so documinti reàli, ca da pòco li xé sta tirà fòra dal goerno Ostriaco.

Se dòpo a parlemo de el 25 aprìle, la verità stòrega xé : tradimento de on aleàto, vigliacherìa e dixonor de i governanti, spionajo e fùga dèi carabinieri (ca a li se xé costruì i finti martiri : “Salvo d’Acquisto….”). Tradimento e abandono de sentenari de mejàri de Vèneti Alpìni sol fronte Rùso e Balcanego. Naturalmente i Alpini al frèdo e i Carabinieri al caldo col rè! Penseve ca i Mericani e Inglexi, li se fidàva de pì dei fasisti ca dèi traditori itajàni. Ai Anglosàsoni ghe parea inposibile ca a se podese tradìr on aleato e pasàr da l’altra parte cusì fa fùse gninte. Ma i itajàni li xè fraditori e viliachi de coltura, mìga fa i Veneti ca a gà senpre onorà i propi dèbiti e contràti, anca a costo de la vìta. Do Dòxi gà parà sol patibolo i so fioli! Figurève i itajàni fa Prodi e Berlusconi ca invese li se fa le lèji pa ingrasàr le so faméje! Indulti, sanatorie, condoni, variante, amnnistìe, archiviasiòn, scadensa tèrmini,……………….. Itajàni xente de pòco valor. Veneti on popolo ca el gà senpre onorà la propia parola.